رامي رفيق بشاشة: الأمانة…

كلما زادت ثقة الناس فيك، كلما كانت الأمانة أصعب، والحمل أثقل… المسؤولية يلي بتفرضها عليك محبة الناس، بتحطك أمام تحدي مع نفسك…
يمكن في ناس بتنبسط بالأرقام، و 10675 صوت رقم كبير، بس للحقيقة هيدة الرقم بزيدني عزيمة ومسؤولية على العمل، كل مرة رح مارس فيها العمل البلدي، رح حط ببالي انه هالناس رح تسألني: “شو اعملت بأصوتنا؟”… والأهم من هك انه رح حط دايما ببالي انه ربي رح يسألني: ” شو اعملت بالأمانة يلي اعطوكي هيي هالناس؟”
اسمحولي وبلا طولة حديث انه اشكركم جميعا على هالثقة وعلى هالامانة واشكركم على محبتكم…
اسمحولي اشكر عايلتي وناسي وعزوتي، واشكر زوجتي نسرين واولادي لانا ومالك، اخواتي طارق وزياد وزوجاتهم ساندي وريم.
اشكر الشباب يلي وقفوا حدي ودعموني بالحملة ( احمد بتكجي، هادي البيلاني، صلاح آغا، المبدعة جود حنقير، العميد جمال ارقة دان، القائد يحي منصور، القائد باسم وهبي، واختي وصديقة النضال بارعة بوجي، احمد معنية _ ابو خليل، مصطفى حميد وكتتتتار…)
اسمحولي اشكر آل الدندشلي الكرام على ثقتهم يلي اعطوني هيي وتحديدا استاذنا المهندس محمد دندشلي ( ابو سلطان) ، وان شاءالله بوعدكم كون على قدرها … وشكرا لأعضاء و لائحة “نبض البلد” والماكينة الإنتخابية الخاصة بها، وعلى رأسهم محمود، دارين، سلطان، مهند، لارا دندشلي، ونهاد عنتر، زينة حلو، هانية الزعتري وغيرهم كتييير…
واسمحولي اشكر وبعيد على الجدل السياسي:
الاخوة في التنظيم الشعبي الناصري وعلى رأسهم الدكتور أسامة سعد، يلي كانوا داعم وسند ودافع لي، لبذل جهد أكبر.
الاخوة في الجماعة الإسلامية- صيدا على دعمهم المباشر وغير المباشر لي، بغض النظر اني علقت عضويتي التنظيمية قبيل الإنتخاب (وهيدة الشي منحكي في بعدين ) ولكني لن اجحد فضلهم ودعمهم، وهيدة من باب رد المعروف.
الاخوة جمهور المkاومة الإسلامية (لن أتبرأ من دعمهم الإنتخابي متل ما احيانا بيعمل غيري وخصوصا انه هيدة الدعم لم يكن محصور بلائحة معينة او اسم معين، وهيدة الدعم انتخابي بحت ) .
الاخوة من شباب المساجد (وان شاءالله رح يكون لي رسالة تانية الهم).
أهالي صيدا، اهلي و ناسي، وعزوتي، شكرا الكم من القلب، شكرا الكم لأنكم نبض القلب، شكرا الكم، لاني منكم، وان شاءالله كون على قدر المسؤولية.
واكيد اكيد الشكر الاكبر لله سبحانه وتعالى، شكرا لفضله،وكرمه وعزته يلي أعزنا بها…
اللهم اجعلنا اهل لحمل الأمانة…
طولت عليكم، بعد في حكي، بدي احكيه لأمي (الله يرحمها)، ببوست تاني ان شاء الله.

المصدر:

https://www.facebook.com/share/1EiNzHqgrc/